TROMSØ | ᴍ ᴏ ʀ ʀ ᴀ ᴏ ᴄ ᴏ ɴ ᴛ ᴏ

Triloxía da Perda
(Primeira Parte)

Fotografía: Rocío Cibes

‘TROMSØ’ de Morraoconto foi, para min, a grande sorpresa no Galicia Escena Pro 2025. Outra maneira de facer e de entender o teatro, por parte da xeración que debe andar entre os trinta e os corenta anos. Beleza da música en directo, beleza dos deseños gráficos e animados e de todo o coidado visual, beleza do movemento, beleza dos diálogos… e toda esa beleza inzada dun humor case absurdo, dunha simpatía limpa, e tamén inzada dunha emoción contida. (…) Pero todo isto non xermola desde a interpretación dalgo externo ou desde a documentación. Este espectáculo non é a investigación e a interpretación deses temas. Non o parece. Pode sentirse que é a decantación dalgo que se foi cocendo a lume lento, algo que estaba aí e que agora sae como un volcán en erupción. Hai verdade e unha estética teatral anovada, sen poses. (…) Unha marabilla!

Afonso Becerra (Erregueté nº109)

SINOPSE

Cando un ser querido nos deixa, o baleiro que queda énchenos dun silencio que, ás veces, nunca conseguimos facer desaparecer. Un silencio que se aferra ao corazón apagando para sempre parte da súa luz.

Tromsø é unha reflexión en clave de humor dende a perda. Sobre a vida, a morte e todo o que queda entre medias. É un canto á tristura pero tamén á esperanza. Unha viaxe épica polos mares do norte, navegando tormentas, fiordes e enormes cardumes de arenque, na procura dun lugar onde tirar pola borda esa pena que se alimenta da alma e deixala afundir, dunha vez por todas, na inmensidade azul.

Nun lugar onde as candorcas, co seu canto, desgarran o silencio salvaxe da aurora boreal.

DIRECCIÓN, TEXTO E DRAMATURXIA_Rafa Martínez DIRECCIÓN COREOGRÁFICA E DE MOVEMENTO_Esther Latorre INTÉRPRETES_Miguel Gendre, Lara Pouso, Lidia Veiga
AXUDANTE DE DIRECCIÓN_Clara Martín MÚSICA EN DIRECTO_Julia Ammerman, Lucía Iglesias ESPAZO ESCÉNICO_MORRAOCONTO, José Faro «Coti» DESEÑO DE VESTIARIO_MORRAOCONTO, Ana Gesto DESEÑO DE ILUMINACIÓN_José Faro “Coti” VOZ EN OFF_Lidia Veiga MÁSCARAS_Rafa Rey Domech ANIMACIÓNS, DESEÑO E IMAXE GRÁFICA_Rafa Martínez CÁMARA, CORRECIÓN DE COR_Román Sanín

PRODUCE_MORRAOCONTO, Xunta de Galicia COLABORA_Concello de Ames, Concello de Santiago, Concello de Vimianzo, Concello de Arzúa, CEMMA Cetáceos AGRADECEMENTOS_Alfredo López (CEMMA Cetáceos), Roberto Salgueiro, Ana Gesto, Manu Lago, Paula Quintas, Edu Iglesias, Pilar Martínez, Sheyla Fariña, Mani.

CONTIDO MULTIMEDIA

Crítica TROMSØ no Diario Cultural de Radio Galega

por Afonso Becerra

Entrevista a Miguel Gendre

por Ames Radio

“Un traballo que palpita ao redor da primeira perda dende un lugar poético pero, ao mesmo tempo, moi cómico; cun sentido do humor moi particular. E é nesa mestura onde aparece unha voz propia, orixinal e novedosa. TROMSØ ven con aire fresco, cargado de personalidade. Un espectáculo moi tenro, con todas as capas moi ben armadas no que é moi doado mergullarse nese imaxinario e situarte a ti tamén nese lugar”.

Iria Sobrado (Zig Zag, 17/06/25)

Calendario