MORRAOCONTO é unha compañía galega de creación contemporánea fundada por
Rafa R. Martínez, Lara Pouso e Miguel Gendre no ano 2021 en Ames (A Coruña).

Traballamos na intersección entre teatro, danza e linguaxe audiovisual, coa vontade de desenvolver proxectos propios desde unha mirada híbrida e cunha forte identidade escénica. Entendemos cada espectáculo como un dispositivo vivo no que a palabra ocupa o centro do proceso creativo, construíndo a partir dela a arquitectura da peza. A dramaturxia física, a composición visual e o universo sonoro dialogan co texto, expandíndoo e xerando unha experiencia escénica amplificadora. Partimos da palabra como detonante poético, político e divulgativo, deixando que a súa vibración modele o ritmo e o ton emocional da peza. Interésannos os relatos que conectan co humano dende o sensorial, colaborando con artistas de diferentes disciplinas e favorecendo procesos de creación abertos e permeables que enriquezan o noso imaxinario e fortalezan cada proposta. Apostamos por:

• Linguaxes contemporáneas accesibles a públicos diversos.
• Hibridación disciplinar.
• Procesos de creación sólidos e colaborativos.
• Propostas escénicas con identidade propia e percorrido nos circuítos.

Cremos nunha creación contemporánea sostida no risco e no pensamento crítico.