SOBRE NÓS

Ourense, 1989.
Fórmase na Escola de Arte e Superior de Deseño Antonio Faílde. A súa primeira peza, TROMSØ, marca o inicio da súa traxectoria na escrita e na dirección. Texto publicado pola Erregueté na súa colección de dramaturxia.
Como deseñador gráfico traballa para universidades e institucións culturais, así como para creadoras do ámbito artístico.
Como fotógrafo e videógrafo colabora con compañías de danza e teatro, festivais e proxectos culturais, desenvolvendo traballos de documentación escénica e creación audiovisual. Traballos expostos en Sons improbabeis (Auditorio de Galicia, 2022) e Residencias Paraíso (CDG Salón Teatro, 2023).
Actualmente codirixe a compañía morraoconto, asumindo a dirección creativa, a fotografía, videografía e o deseño gráfico e web.

Santiago de Compostela, 1997.
Fórmase na aula de teatro da USC baixo a dirección de Roberto Salgueiro, participando nas montaxes: Cinzas (2015), Cousas que trouxo a chuvia (2016), Pasar por Nida (2017) e A muller que tiña medo e marchou vivir ao Carrefour (2018).Participa en «Cabaré Salomé» de GN Teatro. Espectáculo gañador do primeiro premio Xuventude Crea 2016.
En 2018 protagoniza a curtametraxe Peixes Voadores, de Paco Torregrosa.
En 2023 aparece na película Os Amantes de Abrente, da TVG.
En 2024 participa no spot da Lotería de Nadal.
Actualmente compaxina a codirección de morraoconto con traballos para outras compañías, como Títeres Cachirulo ou Nauta Teatro.