Rafa Martínez
Escritor / Deseñador Gráfico / Videógrafo
Ourense, 1989.
Fórmase na Escola de Arte e Superior de Deseño Antonio Faílde.
Coma deseñador gráfico e web traballa para a UVigo, a USC, e artistas como Mikel Aristegui, Miguel Gendre, Lara Pouso ou Ana Gesto.
Coma fotógrafo e videógrafo: SóloDos en Danza, Plataforma Festival, USCénica (2020-2022), FINSA, cía VACABURRA, e artistas coma Ana Gesto ou Edu Valiña. Traballos expostos en «Sons improbabeis» (Auditorio de Galicia, 2022) e Residencias Paraíso (CDG Salón Teatro, 2023).
Actualmente codirixe a compañía morraoconto, levando a escrita, a dramaturxia, a fotografía e o deseño gráfico e web.
Lara Pouso
Actriz
Santiago de Compostela, 1997.
Fórmase na aula de teatro da USC baixo a dirección de Roberto Salgueiro, participando nas montaxes: Cinzas (2015), Cousas que trouxo a chuvia (2016), Pasar por Nida (2017) e A muller que tiña medo e marchou vivir ao Carrefour (2018).Participa en «Cabaré Salomé» de GN Teatro. Espectáculo gañador do primeiro premio Xuventude Crea 2016.
En 2018 protagoniza a curtametraxe Peixes Voadores, dirixida por Paco Torregosa.
En 2023 aparece na película Os Amantes de Abrente, da TVG.
Actualmente codirixe a compañía morraoconto, traballa con Títeres Cachirulo no espectáculo Xurásico Perdido e en Treboada, de Nauta Teatro.
Miguel Gendre
Actor / Bailarín
Santiago de Compostela, 1988.
Fórmase en folclore en Cantigas e Agarimos e nas aulas de teatro e danza da USC con Roberto Salgueiro e Amparo Novas, ademáis de en intensivos con profesionais como Sharon Fridman, Lucas Condró, Paula Quintas, Esther Latorre, La Macana, Iker Gómez, Lali Ayguadé, Vero Cendoya, Lisard Tranis, Joel Beddows, Vicente Fuentes ou Ana Vallés.
No eido audiovisual protagoniza dúas curtametraxes, baixo a dirección de Ghaleb Jaber e Jorge Guimerá, e colabora en videoclips de Tanxugueiras, Davide Salvado, A Banda da Loba, Som do Galpón ou Gaëlo.
Traballa para festivais coma Corpo(a)Terra, USCénica, SoloDos en Danza, Herdanza, Cara unha Escena Plural ou Camiño Escena Norte nos apartados de produción, mediación e fotografía.
En 2024 forma parte do elenco dos «Actos e as Profecías» do Centro Dramático Galego, e foi seleccionado co proxecto «Vesperi Lux» para as residencias artísticas Atopémonos Bailando 2024.